Dýravísur er lítið tónleikhús sem skapað er úr söngtónlist Jónasar Ingimundarsonar. Verkefnið varð til í samstarfi Kammeróperunnar við leikstjórann David Chocron fyrir BIG BANG, tónlistarhátíð fyrir börn, í Hörpu árið 2023. Í gegnum tónlistina kynnast börnin íslenskum fuglum og hestum en þau eru líkt og mannfólkið að bíða eftir sumrinu. Þegar það svo loksins kemur flýgur það hjá áður en við vitum af. Verkefnið er skapað til þess að gleðja en sama tíma fræða börn um náttúruna. Sýningin hlaut styrk frá Sviðslistasjóði 2023 til þess að heimsækja leikskóla á Höfuðborgarsvæðinu. Viðtökur hafa verið með eindæmum góðar og stefnum við á að heimsækja fleiri leikskóla á næsta ári.

Flytjendur:

Eggert Reginn Kjartansson - tenór

Jóna G. Kolbrúnardóttir - sópran

Kristín Sveinsdóttir - mezzósópran

Unnsteinn Árnason - bassi

Þóra Kristín Gunnarsdóttir- píanó

David Chocron - leikstjórn

Sigríður Ásta Olgeirsdóttir - textahöfundur

Sólveig Spilliaert - búningar

Óperukvöldverður í Gamla bíó - Così fan tutte eftir Mozart var fyrsta óperuuppfærsla Kammeróperunnar. Sýningin bauð upp á einstaka kvöldstund fyrir áheyrendur þar sem þau fengu þriggja rétta kvöldverð á vegum Gamla bíó og hlýddu í leiðinni á frjálslegan og skemmtilegan flutning á óperunni Così fan tutte. Óperan var flutt í íslenskri þýðingu í fyrsta sinn. Það er trú okkar að þegar óperuverk eru flutt á móðurmáli flestra áheyrenda og flytjenda að upplifun þeirra á verkinu verði áhrifameiri og ánægjulegri.

Þegar áheyrendur mættu í Gamla bíó stigu þau inn í tímavél sem fluttu þau til Reykjavíkur í byrjun 20. aldar. Flytjendur voru í hlutverkum staðarhaldara Gamla bíó, þjónuðu til borðs og léku í kringum áheyrendur sem nutu matar, drykkjar, söngs og hljóðfæraleiks fram eftir kvöldi.

Bjarni Thor Kristinsson - Leikstjóri

Gísli Jóhann Grétarsson - Stjórnandi

Unnsteinn Árnason - Guglielmo

Eggert Reginn Kjartansson - Ferrando

Kristín Sveinsdóttir - Dorabella

Lilja Guðmundsdóttir - Fiordiligi

Jón Svavar Jósefsson - Don Alfonso

Jóna G. Kolbrúnardóttir - Despina